كشف محمود كهربا، لاعب النادي الأهلي السابق، تفاصيل القبض عليه في الكويت خلال فترة تواجده مع نادي القادسية.

وقال كهربا في تصريحات عبر قناة MBC مصر: خلال تواجدي مع القادسية كانت الفيزا منتهية ومعنديش إقامة، وأنا ولا أعرف أي حاجة، والنادي المفروض مخلص الأوراق، وكان مطلوب القبض عليا، واتمسكت في المطار خلال 5 ثواني ومعرفش أي حاجة وكنت مصدوم.

وتابع: خلال احتجازي بالكويت تم وضعي في غرفة بها 13 شخص مصري.. أحدهم كان نائمًا وعند استيقاظه فوجئ بوجودي وقال إيه ده.. كهربا؟.. أكيد أنا بحلم.

واختتم تصريحاته قائلا: عرضت التنازل عن جزء من مستحقاتي عند القادسية علشان يوافقوا على رحيلي، قلتلهم هاخد نص مستحقاتي دلوقتي والنص التاني في شهر مايو، لكن لو في تأخير بعد شهر مايو هيبقى في غرامة ومسؤول في النادي قالي إن ده ربا.

للمزيد تابع

خليجيون نيوز على: فيسبوك | إكس | يوتيوب | إنستغرام | تيك توك